يا جماعة انا كنت عايزة اقترح عليكوا اقتراح
انا معروفة بين صحابى انى حلالة المشاكل مش حلالة المشاكل اوى يعنى بس اهو لما واحدة بتكون عندها مشكلة عاطفية بحاول اساعدها وبما انى حشرية جدا بس طيبة واللة كان نفسى اساعد اكبر عدد ممكن من الناس صحيح انا زباين مدونتى مش كتير اوى يعنى بس اهو احسن من مافيش
فقلت فى عقل بالى يا بت يا لوما ما تيجى نعمل مدونة واسميها حلالة المشاكل او انا ولميس وهواك :]:] وتكون فكرتها عن ان اى حد عندة مشكلة عاطفية او غير عاطفية يحكيهالى بالتفصيل وانا احاول اساعدوا فى التفكير اصل ساعات الواحد لما بيكون واقع فى مشكلة مع حد بيحبة بيحس انة مخة واقف وعايز راى حد تانى وفى الحالة دى اكون انا موجودة
بس حبيت اخد رايكوا الاول قبل ما اعمل العملة المهببة دى ولو فى اى اقتراحات انا ديموقراطية جدا
Monday, October 22, 2007
اقتراح
Posted by l0ma at 4:51 AM
Subscribe to:
Post Comments (Atom)
8 comments:
شكلي كده هزعل محمد الجوهري
اوعي تزعل يا كبييييير
مكانك في الحفظ والصون
اقتراح حلو يا لميس .. مش ده اقتراح الجوهري؟؟
بس الموضوع عاوز تنظيم جامد
وعاوز يكون صفحة الهتمل غير صفحة البلوجر المعتاده
لأن المفروض اللي عنده مشكله هيكتبها كلها ويشرحها لك ... في بوست
وانتي تردي عليه في بوست تاني
وتكون اراء القراء تقييم للمشكله والحل
ممكن فكره جامده جدا بقه
تعمليها مدونه لأعضاء كثر وتبعتي دعوات كتير .. هتكوني انتي رئيسة المدونه والتي لها الحق في قبول ورفض عضوية أي مدون .. وهتحطي شروط للإنضمام
وتحاولي اكبر عدد يشترك في مدونتك
ويدخل العضو لو عنده مشكله .. يكتبها في بوست
ما هو مش معقول هيكتبها زي ما بنكتب الرد عندك ... هتبقي صعبه في اني مثلا اقرا المشكله وحلها بخط صغير كده
طبعا كلامي اللي فات ده كله ... أي كلام
الل أنا متأكد انه هيفيدك برأيه .. محمد الجوهري
الكومينت مستنيك يا دكتور
شكرا يا لميس
بس تكونى قد انك تحلى مشاكل الناس بقى مش متعرفيش حلول اوك؟؟
و ليكى عليا بعد ما يبقى عندى حياه عاطفية اساسا بعد 20 سنة كده هههههه ابقى اقولك مشاكلى
اعتقد عشان يتبعتلك حاجات كده ممكن الناس متبقاش عايزة تقول هما مين فهتكتبى ايميل فى المدونة يبعتولك المشاكل و انتى تكتبى المشكلة والحل فى المدونة من غير ما نعرف اصحاب المشاكل
تحياتى
هاااااااي يا لوما
الفكرة دي حلوة قوي
وياريت تعمليها في اسرع وقت
ربنا يوفقك يا لوما يا عسل
دايما مديني وضعي يا د. محمود يا حبيب قلبي
بص يا باشا انا وانتا واحد من حيث المكان المهم مافيش واحد غيرنا ياخد اول كومينت يانا يانا يانتا علي رأي حماقي افندي
بالنسبه لموضوعك يالميس
هو موضوع ولا كلمة طبعا
بس زي ما قالك محمود فرج
تصدقي الواد ده افكاره تحفه
وكمان ممكن تدي ايميلك لاي حد عنده مشكله يبعتلك قصته في رسالة لو عجبتك وعندك الحل ليها او حتي القدرة علي مناقشتها تعمليها بوست طبعا وييجي دور البشرية بقا انها تعلق علي الموضوع ونعملها بين الناس ههههههههه
ايه رأيك؟؟؟؟؟
وطبعا لازم تستشيريني وبلاش نداله هاااه من الأول بقولك اهوووه
وكمان عندي فكره اوعي وشك
ايه رأيك تسمي المدونه انا والجوهري وهواك
ولا بلاش لمحدش يدخلها هههههههههههههه
فكرة تحفة طبعا يا لوما
ومستنيين قرارات سيادتك
وطبعا متشكر جدا يا حبيب قلبي يا حوده يا مظبطني
أو تعمليها زى بريد القراء
تحطى ايميل ظاهر فى المدونة مخصوص لهذا النوع من المواضيع وليكن
7allal_elmashakel@hotmail.com
ومنه تاخدى نص المشكلة وتنشرك ردك عليها فى نفس البوست بلونين مختلفين ومع حذف اسم المرسل حفاظا على الخصوصية
وربنا يوفقك مع زباينك بقى
يا جماعة ميرسى جدا بجد اقتراحاتكوا كلها تحفة
انتوا شجعتونى جدا انى اعمل الحكاية دى انشاء اللة قريبا جدا
مستنيين اما نشوف
دى فكرة جامدة جدا يالوما واتمنى انها تكون بجد مش أى كلام ولو الفكرة هتتنفذ بالفعل يا ريت تكتبى الايميل بتاعك اسراء
Post a Comment