س1 : بدأت التدوين امتي؟ودخلت عالم التدوين ازاي؟
بدات التدوين من فترة تحديدا شهر 9 -2007 الفكرة كانت فى دماغى قبلها من فترة وكنت متابعة جدا لمدونات شوية ناس معرفهمش بس بيعجبنى اوى اسلوبهم وعمرى متخيلت انى ممكن يكون عندى مدونة خاصة بيا بس فى يوم كنت بقلب وسط المدونات واتكعبلت فى مدونة ابص وقلت بقى اشمعنا انا واللة لعاملة مدونة انا كمان وكانت اول بوست اكتبة احلى صاحب فى الدنيا هو الى شجعنى وكانى كان نفسى بجد اشتكى لحد منة ومش لاقية وبعدها اول حد ادانى كومينت كان صديقى محمد الجوهرى ومن ساعتها وانا من اصحاب المدونات
س2 : إيه كان إنطباعك في البداية؟
انطباعى فى البداية عن المدونين ولا التدوين عامة
واللة انا كنت شايفة المدونين شوية ناس موهوبة ومش هاممهم حد وبيكتبوا عشان حابين يكتبوا مش عشان عايزين حد يقرالهم وبس عجبتنى اوى فكرة الثقة بالنفس وان محدش همة كلام حد وكل واحد بيقول الى جواة وخلاص تحس كدة بجو مفتقد من الصراحة انطباع لذيذ يعنى
س3 : مين أكثر واحد بتحب تعليقه علي بوستك الجديد؟
كل الناس بجد يكفى ان هو اهتم كفاية انو يدينى راية اي ان كان بقى راية كويس ولا مش عاجبة الى انا كتباة بس يكفى انة اهتم وبجد دى الحاجة الوحيدة الى بتشجعنى انى اكمل وتخلينى كل ما احبط او يحصلى جفاف فكرى ابقى عايزة ارجع تانى عشان اقرا تعليقاتكوا
س4 : ايه أهم حاجة اتعلمتها من عالم التدوين؟
اتعلمت اقول الى فى نفسى هو صحيح انا كدة كدة كنت بقول الى فى نفسى بس دة ميمنعش ان التدوين خلانى اكون واثقة من نفسى اكتر وحاسة ان انا ليا صوت وممكن حد يسمعنى ودة خلى عندى امل فى شوية حاجات وحسسنى بالامان شوية يعنى مش كتير بس اهو احسن من مفيش
س5 :حاسس إن التدوين له تأثير؟
اة طبعا لية تاثير صحيح لسة مش ملحوظ بس لو ركزت هتشوفة هو لسة بطىء شوية عشان فى اولة بس اول الغيث قطرة وباقى عالحلو تكة وان شاء اللة حاجات كتير هتتغير بسبب التدوين وكدة يعنى
س6 : اذكر 5 أحلام علي الأقل تخص ماضيك وتحلم فيها بتغيير أشياء ما ماذا ستعدل؟ وماذا ستترك؟
امممممم 5 احلام صعب السؤال دة شوية
فى مواقف اكيد كان ممكن اتصرف فيها بطريقة احسن او بطريقة مختلفة لو كنت اعرف الى اعرفة دلوقتى او معايا الخبرة الى خدتها بعد المواقف دى لو رجعت بخبرتى دلوقتى ممكن اغيرها انما اكيد مش هحذفها لانى اتعلمت عمرى ما اندم على حاجة عملتها واتعلمت منا او عملتها واتبسط وانا بعملها حتى لو اتوجعت منها بعدها لان ماضى الانسان هو الى علية دلوقتى وانا دلوقتى احسن من الاول اكيد فمفتكرش انى هغير حاجات كتير لاسيما انى ممكن اجرح حد كان يستاهل انة يتجرح ومجرحتوش عشان كنت طيبة او اصاحب حد كويس ومصحبتوش عشان خدت نصيحة سيئة
يعنى اقدر اقول حاجات معملتهاش كنت اتمنى انى اعملها مش العكس
س7: اذكر 5 أحلام تخص مستقبلك؟
نفسى اخلص من الكلية الى انا فيها دى عشان بكرها بكرها بكرها بكرها ومش فاهمة فيها حاجة وادخل كلية انا بحبها1 لانى اكيد مش هخلص واعد كدة غالبا يا اما اداب اعلام او فنون جميلة قسم ديكور
2نفسى اكتب رواية او الف كتاب للاطفال واسمية حواديت عشان انا بحب اوى احكى حواديت لولاد خالتى
3نفسى احب بجد حد كويس واعرفة كويس ونتجوز ونخلف ادم وحور والى هتسرق اسم ولادى هقطملها رقبتها
4نفسى اتعلم السواقة واشترى عربية هاتش باك لونها بمبى عشان بجد حوار السواقة دة عاملى عقدة انا جبانة جدا
5نفسى اسافر باريس ولندن وتركيا ورما وامريكا وحتت كتير بس دول الاول واهم حاجة باريس
س8 :أذكر شخصين علي الأقل متواجدين في حياتك حاليا كنت تود وجودهم قبل الأن بزمن
ناس كتير اوى لو كانوا موجودين فى حياتى من زمان حياتى كانت هتبقى احلى واولهم طبعا صديقى انتيمى اخويا اللدود محروقى
وناس كتير مش هينفع اقول حد عشان لو نسيت الباقى هيزعل
(عملت فنانة فى ثانية وبستلم الاسكار وبحيى الناس كمان )
س9: منامينو مكتبهاش بقى مش مشكلتى
س10:تدبس مين في السلطانية دي
اى حد جعان ونفسة ينانا شوية يتفضل بصحة وعافية بصراحة خايفة ابعتى لحد يكون جالة قبل كدة فكلة يتفضل بقى الدعوة عامة
11 comments:
كعادتي طووووول عمري
أول كومينت بتاعي محجوووز
بس تصدقي أول مرة أحس إن العيش والكومينتات تمرو فيكي (وش بيطلع لسانه) بجد متشكر عالبؤين اللي قولتيهم ف حقي دول وربنا يعلم معزتك عندي يا لميس
حلو أوي حوار الكليه اللي هتخلصيها وتاخدي غيرها دا إدخلي آداب إعلام لايق عليكي وشك فوتوجينيك جدا
كووول دا وجبانه دانتي من أقوي البنات اللي قابلتهم ف حياتي إنتي والبت آبي الكفراوي ومحاسن صابر
ههههههه هابي سلطانية
حتي صورة التاج اللي مختاراها كلها أنوثة
طول عمرك عسل
كل سنة وإنتي طيبه يا آنسه
وربنا يحقق ليكي كووول أحلامك
ربنا يا خليك يا صديقى الصدوق وطبعا اول كومينت محجوزلك هو انا بيعبرنى غيرك اصلا :] وبعدين شجاعة اية وبطيخ اية ولا شجاعة ولا اى كلام دى حركات بس عشان العرسان :]:]:]:] كل سنة وانت طيب يا جميل وخلينا نشوفك
صديقك الصدوق آه على أساس إن أنا وإنتي تيمون وبمبا
هههههههههههههههههه
محدش بيعبرك إيه بس إنتي عارفة التدوين عايز متابعة وشوية حاجات فوق بعضيها إستمري بس وهتلاقي كوووول المشجعين رجعوا أوتوماتيك لوحديهم
مممممم حركات علشان العرسان
ههههههه هيا لميس محتاجة حركات ؟!
لميس بس تقول ياجواز هتلاقي طوابير العرسان من بوابة آداب بتاع الجامعة لحححححححد البيت
ههههههههههههههههههههه
ماتشوفش وحش ياحلو إنتا يا حلو
دعواتك بس ف إمتحاناتي الجاية
لمييييييييييييييييييييييييس
ههههههههههه وانا بقول مين دى يا ربى تطلعى انتى يا قمر ههههههههههههه ولما انا ابقى موزه انتى تطلعى ايه
والله وحشتينى جدا وبسأل عليكى الكابتن الدكتور الجوهرى علطول حتى اساليه كده ولو انكر ابعتهولى او اجبريه على الاعتراف
اخبارك ايه يا قمر الشرقيه بحاله
وحشانننننننننننننننننننى قوى جدا جدا جدا خالص
بس يا لوزه انتى نورتى التدوين برقتك والمنطبعه مش فى شكلك بس لا وفى كلامك كمان وكتاباتك
جميله يا لميس فلازم مشاعرك وجملك تكون على مستوى رقتك وجمالك
حلوة اجابتك للتاج ويا رب تحققي كل احلامك
و حمد الله على السلامة
تحياتي
اخيرا لميس مسكت ورقه وكيبورد من زمان مقرتلكيش حاجه بجد بشكر صاحب التاج انو خلاكي تكتبي ومتعني بكلامك الجميل المليان اخطاء املائية يعني عندك روما كاتباها رما حسستيني انها الزقازيق واخر سطر ياريت تشيلي ال (ي) ونحطي (ه)
عشان انا غلبت لما عرفت اصلها
وبعدين براحه عالناس شويه ايه الهتسرق اسماء ولادي حقطملها رقبتها دي ميسموهم ادم و حور ايه المشكله سميهم انتي عتريس و نفيسه اهو حتي ميتحسدوش خليكي ناصحه
يلا حبيت ارخم بس شويه وانا معدي كده صباح الفل
هههههههههههههههههههههههه اللة يخربيتك يا سعد ضحكتينى وانا مليش نفس بس اية يا واد الحلاوة دى نورت عالم التدوين والبلوجر كلة يا باشا يارب نشوفك دايما كدة
محاسن حبيبة قلبى وحشتينى جدا انا مبسوطة اوى انك جيتى تزورينى وبعدين انا اجى اية فى القمر الى كان عالتلفزيون دة سلميلى على بيرو كتيييييييييييييير وبوسيهولى 1000000 بوسة
سلامو عليكو
أنا جاي أسجل إني بوصل السلامات بتاع محاسن ليكي يا لميس سلاماية سلاماية
أنا مش ناقص إجبار عالإعتراف وسجن جوانتانامو بتاع محاسن لأ لأ مش عاوز أتبعزق
سلام كبير كبير يا لميس يا موجبة
آه صحيح
ضيفي ميلي عندك
الهوت ميل
gohary2009@hotmail.com
والياهو آي دي
gohary20102000
اجاباتك كلها عثولة
وبما انك بتعزي التاجات قوي كدة تعالي خدي هديتك التانية من عندي
مستنيكي بسرعة
شكلي كدة هابقي المورد المعتمد للتاجات للمدونة بتاعتك
هههههههههههههههههههههه
مستنيكي
Post a Comment