انوثة متمردة

انتي مش بنت.. انتي كل البنات فيكي

ههههههههههه
قطه متمرده ولا بلاش لتزعلي من القطه
ايه اللي مزعلك من كونك بنت البنات
أجمل شيء في الدنيا البنت حنينه رقيقه
هي نص المجتمع بالظبط بجد مش هزار لأ وكمان بتجيب النص التاني
الاسلام كرمها واداها كل حقوقها
لما يقولولك في البيت متخرجيش متأخر ليه بيقولولك كده ؟؟ عشان انتي بنت ؟؟ يعني ايه بنت؟؟ يعني شرف يعني عرض
عرفتي انك غاليه وانتي مش حاسه
صدقيني انا كل أخواتي بنات وانا الولد الوحيد اللي فيهم بس
بقولك الكلام ده كأخت عايزه تروحي السينيما لوحدك يا سلام متعرفيش ايه اللي بيحصل في السينيمات لما بيكون ولد وبنت عارفين بعض وبيروحو
يشوفو فيلم في السينيما اتخيلي بقا لما تكوني لواحدك يا بنتي افهمي
الغرض مش المنع وخلااااص
الغرض والله انك غاليه انت جوهرة ومش حاسه بنفسك صدقيني انا شاب وأعرف تفكير
الشباب كويس صدقيني اسمعي كلام أهلك
واتقي الله وبعدين سيبيك من كلام الافلام العربي اللي حافظينه كل بنات اليوم ضل راجل ولا ضل حيطه ايه
وبطيخ ايه ممكلكه الست هو
بيتها افهميني والله كل واحد بيقعد يحسسك انه معجب ومتيم بتاع كلام
صدقيني ما فيش احلا من اتنين متجوزين عايشين في بيت واحد بيبنوا حياتهم
حكاية صاحبك الانتيم يكون ولد
انا معترض ممكن تقولي اشرب من البحر بس انا هقول اللي يحتمه عليا ضميري
في في القران ايه بتقول " ولا متخذات أخدان " أخدان جمع خدن وهو الصديق هاه ايه رأيك اتخيلي انك بتكلمي الرسول عليه الصلاة والسلام وبتقوليله الكلام ده انا هتمرد وهصاحب ولد وهيبقي صاحبي
الانتيم -عذرا رسول الله- اتخيلي رده
ياريت تعيدي التفكير ومعني انك تتجوزي مش معناها ضل راجل لا والله
الانسان اتخلق ليه تعرفي تردي؟؟؟
الوظيفه الاساسية للانسان عمارة الكون وعمارة الكون ازاي ان الراجل لازم يتجوز ست والست لازم تتجوز راجل عشان الحياه تستمر
والراجل مش هو اللي هيخليكي كامله انا متفق معاكي انك فعلا كامله
بس للأسف ماتوجهتيش صح مالكيش
أخ أو أب تكلميه بصراحه تقوليله حصل كذا او حبيت فلان او أي استشاره
عايزه تمشي في وسط الشارع لا خليكي
جمب الحيط ليه مش عشان انتي ضعيفه
لا عشان عربية متخبطكيش قصدي الزمن
للأسف لازم تتخبطي في دماغك خبطه
قويه عشان تفوقي ليه متفكريش
فكري قبل ما تندمي في وقت
ما ينفعش فيه ندم
واعتبريني أخ صغير كنت أو كبير ليكي
لو عوزتي أي حاجه في أي وقت
عندك البلوج بتاعتي والايميل بتاعي
ويارب تفكري بعقلك وما تحتاجينيش لا أنا ولا أي حد
أرجو أن يتسع صدرك لهذا الرد وأرجوكي متزعليش مني ربنا يعلم انا كل غرضي أهديكي
لأن التمرد طريق البطر والكفر والعياذ بالله استغفري ربنا واشكريه علي نعمه الكتيره اللي مغرقاكي
والسلام الي حين

علي الهامش
لاحظي ان ده اول كومينت ليكي عدي الجمايل

سوري ما خدتش بالي من كومينت اللي قبلي ههههههههههههه عديها
فوتي بقااااااااا
وبرضو عدي الجمايل

موضوع كويس
ومدونة جميلة


لكن مش عايزة تكوني بنت ؟
تكوني مربية ؟
أم ؟
ويجري على خدمتك والإنفاق عليك وحراستك مجموعة رجال يبدأهم والدك مرورا بزوجك وانتهاء بابنك ، عشان يحافظوا عليك لمهمتك الغالية : التربية ؟

أذكر قصة الرجل اللي أخذ ابنه الرضيع ليسأل حكيما كيف يحسن تربيته ؟ قال : لقد تأخرت ، إنما كان ينبغي أن تبدأ بحسن اختيار أمه

اللي اتكلمتي عليه ، مش عقاب ليكي ، ده حماية وصيانة ، لأن الإسلام - عكس ما الإعلام بيزرع - بيحط شرف المرأة وكرامتها رقم واحد

والمسلمين حاربوا كذا مرة لأجل عرض امرأة ، والنهاردة الكلام ده مش هيحصل ، لأنهم عايزين البنت تبهدل نفسها بنفسها

وعموما : في الإسلام ، الحلال حلال للولد والبنت ، والحرام حرام على الولد والبنت ، لا فرق بينهما إلا بالتقوى

هى فعلا بس مشكلة عادات و تقاليد متوارثة و ان البنات ميصحش يعملوا معظم الحاجات بس هو فكر و هيتغير بس اما تكون فى بنات فى تمرد زيك كده

تحياتى

انتي مش بنت.. انتي كل البنات فيكي

مهما حاولت أرد مش ها ألاقي أحسن من الرد ده

ميرسى يا اونو انا متاكدة ان الانومنيس دة انت عشان محدش بيدلعنى كدة زيك
وميرسى يا محمد انت وخبيب بس وانا مع خبيب ان الحرام حرام على الولد والبنت يبقى لية يحللوا لنفسهم ويحرموا علينا
وميرسى لمحمد ياسر نورت مدونتى واللة انت وعلى باب اللة

نورتونى

للاسف يا استاذه
فعلا حظك وحش جدا جدا جدا
لانك اتولدتي بنت
و مش هغني و اقول البنات الطف الكائنات زي سعاد ما قالت لان كل ده كلام اغاني
لكن اللي علي ارض الواقع شيء مختلف
اتمني لك حياه افضل و لكل البنات
كل سنه و انتي طيبه
تحياتي

انا اول مرة اشوف واحدة ناقمة ع نفسها كدة

ربنا يسعدك
وتلاقى اللى تحبية
ويحبك
وتمشى معاها ف وسط الشارع
تحت الشمس


بس نصيحك ليكى
خدى بالك من العربيات
هههههه
سلام

فى بلادنا

يكفنون المراءه

لو احبت يرموها

بالف جحر

ويقتلون العصافير

ويذبحون القمر

قرات مقالتك

وكل كلمه قولتيها

حاسس بيها

اما عن ردى عليكى فهو موجود فى مدونتى

شكرا ليكى

مثلى قوى

u look dizzy too lol

لا تتخيلي كم سعادتي بقراءة هذه التدوينه الرائعه
انتي والله اللي رائعه أن ماجييش جنبك حاجه

هو صحيح الموضوع بدأ بشوية نفسنه وحقد علي المتمع الذكوري لكن .. تفكيرك اهتدي الي شيء كوييس جدا من وجهة نظري
مع اعتراضي علي جزئية الأنتيم؟ .. كل الحكايه عندي ايه وظيفة الأنتيم بالظبط
وبردو حكاية انك هتموتي عشان تسلمي علي أصحابك في الشارع
هو مش عيب ولكن لو محصلش متهيألي مش هتمومتي ولا حاجه

عدا هاتين الجزئيتين ... الموضوع روعه
فكرة الثوره والتحدي والقرار .. كنت عايز أجيب لك اختاري بتاعة نزار حبيبنا .. لكن اسمعيا من كاظم
البنت ليها كل الحق في كل شيء زي الولد وبصراحه أتعجب جدا من التفرقه بين البنت والولد من ناحية الأباء .. الاسلوب ده بيولد تفكير في بعض الأحيان سيء وعواقبه وخيمه
جميل جدا انك متتجوزيش الا ما تحبي وانك لو حبيتي هتقولي أنا بحب ..انا معاكي قلبا وقالبا

أقول لك ايه

الحب نور بالجبين
يهدي الحياة فتستكين
ويملأ القلب الحنين
فيطيب عيش بلا أنين
هيا إذن بالحب بوحوا
فالبوح حلم العاشقين

بجد أسرني هذا الموضوع وأحييك عليه

كل عام وأنتي بخير .. تمنياتي بحياه سعيده

حلو عنوان أنوثة متمردة دى أنت لازم تكونى فخورة بنفسك انك بنت لان ده الشعور اللى انا حاسة بيه كفاية مثلا ان حد يدلعك اينعم ده بيكون هزار عشان نعمل اى طلب بس اهو دلع وبعدين فكرة الانتيم الولد دى استبعديها ممكن يكون فيه زمالة بس يكون في الحدود وبعدين أكيد ان البنت مش هترتبط بشخص غير لما تكون مقتنعة بيه ومش بالجواز التقليدى اللى يخنق