من الطبيعى ان لما كباية تتكسر تجيب كباية غيرها
ولما طقم كبياتك يخلصوا تشترى طقم غيرو
من الطبيعى ان لما حاجة تضيع تدور عليها او تدور على حاجة تانية تملى مكانها
لكن لما قلبك هو الى يتكسر حتة بحتة برغم محولاتك المسميتة ( لتلصيم ) كل شرخ فية اولا باول
لما تلاقية من كتر الشروخ مبقاش فية حتة سليمة
لما يكون كل يوم فى شرخ جديد وجرح جديد
هتعمل اية
هتدفن فرافيت قلبك وتعيش بالربع قلب الى باقيلك
هتدور على حد تشتيرى منة قلب جديد ... يمكن حد يرضى يبيعهولك! ء
ولا هتلزق شروخ قلبك وتسيبة فى مكانة وتعيش بقلب ميت مش عارف يحس حد
لابد من حل.... لابد من اتخاذ قرار
فى ارض اكلى اللوتس
كل شىء يتغير... لا شىء يبقى على حال
امس كان يحيط بى كل ما اتمنى
اليوم انا لا املك شيئا
امس كان معى كل ما اريد
اليوم لا اعرف حتى ما هو الذى اريدة
الوقت يمر
تتسع الفجوة
وها انا اتعفن تحت شمس ذلك اليوم الجديد
ولم اعد اعرف من انا بعد الان
يجب اتخاذ قرار محدد ... على الاقل من اجلة
فهو لن يبقى الى الابد
يحبنى حتى لو اية حصل
4 comments:
طبعا
أول تعليق
بصراحة قريت الموضوع أربع مرااااات
مش حلو يا لميس
مالك متغيرة
؟؟؟؟؟؟؟
مش دا أسلوبك
كمان في غلطات كتير في الكلام
ظبطي كدا
وارجعي لمستواكي
اولا احب اقلك جميل اوي الموضوع
بس انا عندي ليكي حلول جميله اولهم انك متخافيش هو حيفضل يحبك للابد حتي لو ايه حصل عشان انتي لوما
ثانيا ممكن عشان تحافظي علي القلب الميت من التعفن تحت الشمس انك تحطيه في كيس وتحطي الكيس في الفريزر
ودي الحلول الكل عارفها لكن عندي باه ليكي حل ملوش حل
فكي اللحامات بتاعة الشروخ دي وحبي حد بيحبك وحتلاقي قلبك اتلحم لوحده لحام طبيعي وحيرجع يدق من جديد وعلي ضمانتي لو مدقش والضمانه حديكي قلبي تعيشي بيه وحخد منك القلب المشروخ وحوريكي حعيش بيه ازاي بس خدي بالك حتدفعي الفرق
انا اسفة سا جوهرى ان البوست معجبكش بس انت عارف انا بكتب الى حساة ودة الى انا حاساة حاليا بس واضح انك مفهمتوش
شكرا يا سعد على الحلول بس فيها مجازفة كبيرة وعموما هحاول ومبسوطة ان البوست عجبك ميرسى
كل شيء يتغير الا القلوب
ولكن اذا تغيرت القلوب
انصحك الا تفكري فيما كسر او فيما تبقي
اليوم القرار الصائب ان نبدأ من جديد لانه بكل الاحوال لافائدة من هذا الالتئام لانه غير عادل
تحياتي
Post a Comment